Psa 110 | MNA | STEP | Mboe ki Dabit Yooba itunu iso pa Merere tio ta kembei: “Mar mbulem su ta nomoŋ woono i ma irao aŋkoto kom koi bizin ma mburan imap kat, mi kumbum ise ŋguren.”

aMt 22:44; Ŋgo 2:34; 1Kor 15:25; Ibr 1:13

bUn 14:18; Ibr 5:6, 7:1+

cTur 19:11+

Psalms 110

Mboe 110

Tomtom ta Anutu iuri ma iwe king mi patoronŋana ka tomtom

Mboe ki Dabit

1 Yooba itunu iso pa Merere tio ta kembei:
“Mar mbulem su ta nomoŋ woono i ma irao aŋkoto kom koi bizin ma mburan imap kat, mi kumbum ise ŋguren.” ^a

2 O king, iŋgi nu mbotmbot kar Sion mi Yooba ipombolmbolu. Tana peeze ku mbolŋana ilala pa kom koi bizin,
bekena kam zin ma timbot la kopom mbarmaana.
3 Mi nu sombe maŋga be la pa malmal, na wal ku ta munŋaana men ko nin se, mi lelen be tigaabu ma niomŋan kala.
Sombe zoŋ pok ma ise, na naŋgaŋ kaibiim ku boozomen ko tisama ku mi tirao zin abal potomŋan kembei ta numur berek kana irao mbutmbuutu.

4 Yooba imbuk sua pu, mi ipombol ma imbol kat.
Mi irao be itooro ŋgar kini mini na som. Sua ta kembei:
“Nu ko we patoronŋana ka tomtom kembei ta Melkisedek, mi mendernder la Anutu mi zin tomtom mazwan ma alok.” ^b

5 Merere, ni imbotmbot nomom woono mi ipombolmbolu.
Sombe nol tabe iswe kete malmalŋana kini ipet, to ni kola ikasgeege zin king ma timap.
6 Ko iur kadoono pizin karkari, mi ikasgeege zin ma tisu tiwe uri men.
Tana zin peeze kan ta tirao toono ta boozomen na, ni ko ikasgeege zin ma timap. ^c

7 Mi king tiam na, ni ko iwin yok rereereŋana ta imbot kolouŋana pa zaala zilŋaana na, mi niini se.
Pa Anutu ko ipakuri ma iwe biibi.